Փոխոստիկանապետը տեղյակ չէ, թե ինչու են փակել Ոսկեպարի եկեղեցու տարածքը
Փոխոստիկանապետը Տավուշի թեմի առաջնորդ Բագրատ Արքեպիսկոպոս Գալստանյանին ասել է, որ տեղյակ չէ, թե ինչու են ոստիկանները Տավուշի Ոսկեպար գյուղի եկեղեցու տարածքում պատ կազմել ու արգելում են բնակիչների մուտքը եկեղեցի։
«Ոչինչ չգիտենք, գործողություններ ենք իրականացնում, մենք այլ տեղեկություններ չունենք, մեզ ասել են՝ տարածքը պահպանեք, անվտանգությունն ապահովեք, մենք էլ գործողություններ ենք իրականացնում»,-ասել է փոխոստիկանապետը։
Սրբազանն էլ վստահեցրել է, որ այս իշխանությունը փորձում է գյուղերի վարչական ղեկավարներին հանցակից դարձնել։ «Եթե մենք չկարողանանք հասնել հաղթանակի, ապա բոլորի հետ հավասար ուրացող ենք»,-եզրափակել է Տավուշի թեմի առաջնորդը։
