Կիրանցում ականի պայթյունից սակրավոր է վիրավորվել

Կիրանցում ականազերծման աշխատանքների ժամանակ սակրավոր է վիրավորվել, լուրը ABC Media–ի հետ զրույցում հաստատել են ՀՀ ՊՆ-ից:

«Ականապայթյունային վիրավորում ստացած զինծառայող կա, նախնական տվյալներով կյանքին վտանգ չի սպառնում»,-ասել է ՀՀ ՊՆ մամուլի քարտուղար Արամ Թորոսյանը:

Պայթյունի մասին հայտնել էին նաև Կիրանցի բնակիչները: Նրանց տեղեկություններով՝ սակրավորը վնասվածքներ է ստացել ոտքի շրջանում:

Կիրանցի գյուղապետ Կամո Շահինյանն ABC media-ի հետ զրույցում նշել էր, որ ականազերծման վայրից էլ դուրս եկող շտապօգնության մեքենա են տեսել։