Սուրբ Աննա եկեղեցու մոտ հավաքված «Տավուշը հանուն հայրենիքի» շարժման մասնակիցներին ազդանշանով սատարելու համար վարորդներին տուգանել են 5000 դրամով։ Տեղի ունեցածին անդրադարձել է Բագրատ արքեպիսկոպոս Գալստանյանը։
«Պարո՛ն Վահե Ղազարյան, երրորդ անգամ եմ դիմում Ձեզ, երեսիս նայեք և ուշադիր լսեք. Դուք հանցագործություն եք անում, ու՞մ հրամաններն եք կատարում։ Մեքենաներին ապօրինի կալանքից ազատելու հրաման տվեք։ Երբևէ տեսե՞լ եք, որ ազդանշան տալու համար մարդուն տուգանեն։ Բացի այդ՝ ինչպե՞ս կարելի է մարդկանց այդպիսով սպառնալ։ Վահե Ղազարյան, սա Ձեզ դուր է գալի՞ս։ Դուք պատվով սպա եք, ինչու՞ եք այսպես անում»,- ասել է Սրբազանը։