Իրանում զոհված պաշտոնյաների փոխարեն պաշտոնակատարներ են նշանակվել

Իրանում վթարի հետևանքով զոհված նախագահի, արտաքին գործերի նախարարի և մյուս պաշտոնյաների փոխարեն պաշտոնակատարներ են նշանակվել։

Մասնավորապես, Իրանի նախագահի պաշտոնակատար է նշանակվել փոխնախագահ Մոհամմադ Մոխբերին։ Սա երկրի Սահմանադրության պահանջն է։

Իրանի փոխարտգործնախարար Ալի Բաղերի Քանին արտգործնախարարի պաշտոնակատար է նշանակվել:

Իրանի գերագույն առաջնորդի որդին` Մոջթաբ Խամենեին, նախագահ Ռայիսիի մահից հետո, ըստ լրատվամիջոցների, համարվում է հոր իրավահաջորդի գլխավոր թեկնածուն։

Մինչ այդ Գերագույն առաջնորդի ամենահավանական հավակնորդը հենց նախագահ Ռաիսին էր համարվում։