Կամակատար ոստիկանություն, Փաշինյանի վարչախմբի համհարզ, կատարածու. մեկնաբանելով ոստիկանների գործողությունները՝ ABC media-ի հետ զրույցում ասել է Genesis Armenia ուղեղային կենտրոն/հիմնադրամի տնօրեն, քաղաքագետ Աբրահամ Գասպարյանը՝ ոստիկանական բաժանմունքից դուրս գալուց հետո:
«Այս պահի դրությամբ` ավելի քան 230 մարդ արդեն բերման է ենթարկվել, մի քանիսին ձերբակալելու որոշում կա, մենք տեսնում ենք, որ նույնիսկ բիրտ ուժ է կիրառվում քաղաքացիների նկատմամբ, ընդ որում՝ կապ չունի սեռ, տարիք, հանգամանք։ Մեզանում արժեքները այնքան են խեղաթյուրվել, որ յոթերորդ դասարանի անտառաճանաչը կարող է ձեռք բարձրացնել ընդհուպ գիտության թեկնածուի կամ դոկտորի վրա, մենք այս կարգի ենք բարոյական անկում ապրել, բայց իրենք մեզ պիտի սովորեցնեն, թե օրենքը որն է, երկիր պահելը ինչպես է լինում»,- ասել է Աբրահամ Գասպարյանը։ Նրա խոսքով՝ այս ամեն ինչի վերջը տրվելու է, արշալույսը մոտ է: «Նիկո՛լ, քեզանից վախեցող չկա, ո՛չ քեզնից, ո՛չ քո մաուգլիներից, ո՛չ քո ոհմակից, այս պայքարը տանելու ենք մինչև վերջ»,-ասել է նա։
Հիշեցնենք, որ Աբրահամ Գասպարյանն այսօր բերման էր ենթարկվել Դավիթ Անհաղթ – Ուլնեցի խաչմերուկում անհնազանդության ակցիա իրականացնելու ընթացքում:
