Լոռիում աղետից վնասված կամուրջների պատճառով 7 բնակավայր շարունակում է կտրված մնալ արտաքին աշխարհից։
Որոշ հատվածներում ճանապարհաշինական ընկերություններն են աշխատում, աշխատում է նաև ծանր տեխնիկա։ Գազի վթարային ծառայությունը փորձում է լուծել գազամատակարարման հարցում առաջացած խնդիրները։
Մինչև Ախթալա և մինչև սահման ճանապարհը վերականգվել է՝ որոշ հատվածներում մի գծով, որոշակի սահմանափակումներով։
Մի շարք հատվածներում կան հենապատերի, կողնակների փլուզումներ, կան երթևեկելի հատվածների մասնակի կամ ամբողջական՝ 2 գոտով փլուզումներ։
Որոշ հատվածներում երկաթգիծն է դուրս եկել շարքից, էլեկտրասյուներն ու երկաթուղու հատվածները հայտնվել են գետում։
Ճանապարհի փլուզման հետևանքով փակվել է դեպի քաղաքի նոր գերեզմանատուն տանող ճապարհը։
Ջրի հոսանքը տարել է Ախթալայի կամուրջի մի մասը, իսկ մյուս մասը վթարային է դարձել։
Զուգահեռ քաղաքի կենտրոնական հատվածում մաքրման աշխատանքները շարունակվում են, Ալավերդու ավտոկայանի տարածքում աշխատում է տեխնիկան, հետևից լվացման աշխատանքներ են իրականացնում փրկարարները։
Պահուստավորվում է մեծ քանակի սնունդ, ալյուր, ջուր, հաց՝ ընտանիքներին օգնելու համար։
Ընտանիքների կարիքները գնահատվել են ըստ ընտանիքի կազմի, ըստ անհրաժեշտության՝ բնակիչներին հատկացվել են նաև հիգիենիկ պարագաներ, մանկական կեր, տակդիրներ։
