Քաղաքական հետազոտությունների ինստիտուտի տնօրեն Սերգեյ Մարկովը համարում է, որ Փաշինյանը միշտ եղել է արևմտամետ քաղաքական գործիչ, հիմա պարզապես ուզում է օգտվել այս պահից և իրավիճակը շրջել դեպի Արևմուտք։
«Փաշինյանը շատ կցանկանար, որ Հայաստանը դառնա Եվրամիության և ՆԱՏՕ–ի անդամ, այնտեղ տեղակայվեն թե՛ ԱՄՆ–ի, թե՛ Ֆրանսիայի ռազմակայանները»,- կարծում է քաղաքագետը։
Փորձագետ Օլեգ Նոգինսկին համարում է, որ ԱՄՆ–ն իրականում գումար է հատկացնում Անդրկովկասում տարբեր նախագծերի համար։ Միևնույն ժամանակ, արևմտյան մամուլը գրում է նաև, որ շուտով Երևանի հենց կենտրոնում կարող է հայտնվել ամերիկյան ռազմաբազա։ Այն տեղակայվելու է ամերիկյան դեսպանատան տարածքում։ Սա ԱՄՆ–ի ամենամեծ դեսպանատներից մեկն է աշխարհում։
«Իհարկե, նրանք կփորձեն այնտեղ տեղակայել իրենց հենակետերը։ Նրանք Հայաստանին կհամոզեն դուրս մղել մեր զինվորականներին այնտեղից։ Հիմա արդեն պատրաստվում են օդանավակայանից հեռացնել մեր սահմանապահներին։ Ամերիկացիները Հայաստանից կստեղծեն երկրորդ Ուկրաինան»,- նշել է առաջին աստիճանի կապիտան Վասիլի Ֆատիգարովը։
