«Տավուշը հանուն հայրենիքի» նախաձեռնության անդամներն ու քաղաքացիներն արդեն երեք օր է փակ են պահում Բաղրամյան-Դեմիրճյան խաչմերուկը` ի նշան բողոքի:
Նախաձեռնության անդամները Բագրատ սրբազանի գլխավորությամբ հայտարարել էին, որ սկսում են Կառավարությանն անվստահություն հայտնելու փուլը, որից հետո ընդիմադիր 33 պատգամավորների ստորագրությամբ ԱԺ էր ներկայացվել արտահերթ նիստ հրավիրելու և օրակարգում կառավարության հրաժարականի և նոր կառավարության ձևավորման մասին միջնորդություն, որը մերժվել էր: Ավելի ուշ պարզ դարձավ, որ օրենիքի ուժով նիստը կկայանա հունիսի 17-ին։
Հիշեցնենք, որ նախաձեռնության անդամները կիրակի օրը հրավիրված հանրահավաքից հետո քայլերթով ուղաևորվել էին Բաղրամյան պողոտա, որտեղ հանդիպելով ոստիկանական մեծաթիվ ուժերի, տեղում վրաններ էին տեղադրել ու հայտարարել, որ մնում են փողոցում։
