ՌԴ ԱԳՆ ներկայացուցիչ Մարիա Զախարովան մեկնաբանել է ՀՀ վարչապետ Նիկոլ Փաշինյանի՝ ՀԱՊԿ–ից դուրս գալու վերաբերյալ հայտարարությունը։
«Ես հիշում եմ, որ ոչ այնքան վաղուց ներկայիս քաղաքական ղեկավարները հայտարարում էին, թե ՀԱՊԿ–ն է դուս եկել ՀՀ–ից։ Կցանկանային ճշտել՝ ՀԱՊԿ–ն արդեն վերադարձե՞լ է ՀՀ, որ կարելի լինի այնտեղից դուրս գալ։ Ինձ թվում է այս բառախաղն անարժանապատիվ է և էժանագին։ Կան պետության ռազմավարական հետաքրքրություններ, կան խնդիրներ, որոնց տարածաշրջանին դեռ չի հաջողվել հրաժեշտ տալ։ Ահա, թե ինչի մասին է պետք մտածել՝ ապահովության, ռազավարական համագործակցության, այդ տարածաշրջանում կայունության, այդ տարածաշրջանի զարգացման», – նշել է Զախարովան՝ հավելելով, որ Հարավային Կովկասն ունի ամեն բան բազմակենտրոն աշխարհի մաս դառնալու համար։
