Ալմա Աթայում մեկնարկում է ՀԱՊԿ մասնակից երկրների արտաքին գործերի նախարարների խորհրդի նիստը։
ՌԴ ԱԳՆ պաշտոնական ներկայացուցիչ Մարիա Զախարովան հաստատել է հանդիպմանը դիվանագիտական գերատեսչության ղեկավար Սերգեյ Լավրովի մասնակցությունը։ Նրա խոսքով՝ ՀԱՊԿ արտաքին քաղաքականության գերատեսչությունների ղեկավարները կքննարկեն միջազգային և տարածաշրջանային իրավիճակը, կամփոփեն կազմակերպության շրջանակներում տարաբնույթ համագործակցության արդյունքները և կքննարկեն արտաքին քաղաքական համակարգման ամրապնդման մեխանիզմները։
Ակնկալվում է, որ նախարարները կհաստատեն մի քանի որոշումների նախագծեր, որոնք կներկայացվեն Հավաքական անվտանգության խորհրդի հաստատմանը:
ՀԱՊԿ–ում նախագահող Ղազախստանի Արտաքին գործերի նախարարությունը հայտնել է, որ նիստից հետո նախատեսվում է փաստաթղթերի ստորագրում՝ ուղղված կազմակերպության գործունեության հետագա բարելավմանը, ինչպես նաև մի շարք քաղաքական հայտարարությունների ընդունում։
