Մեզ ո՛չ մեքենան առգրավելու որոշումն են ցույց տվել, ո՛չ տեխնիկական միջոցների գործադրմամբ, այսինքն՝ հատուկ միջոցների գործադրմամբ մեքենան էվակուացնելու որոշում են ցույց տվել, ո՛չ արձանագրություն են կազմել․ լրագրողների հետ զրույցում ասել է Արցախի նախագահ Սամվել Շահրամանյանի փաստաբան Ռոման Երիցյանը։
«Արցախի ներկայացուցչունում գտնվող անձը, ով այդ պահին եղել է այստեղ, հաշվի առնելով քննիչի ներկայանալու հանգամանքը, նրան ներս է հրավիրել, և այդ գործողության ընթացքում նրան չեն պարզաբանել, որ պատրաստվում են բռնի ուժ կիրառելով, այսինքն՝ դարպասները ջարդելով առգրավել նախագահին սպասարկող ավտոմեքենան»,- ասել Երիցյանը։
Նրա խոսքով՝ քննիչը խաբեությամբ մուտք է գործել Արցախի ներկայացուցչություն, որից հետո տեղեկացել է, որ անվտանգության աշխատակիցը դարպասը բացելու լիազորություն չունի և տեխնիկական միջոցը չի գտնվում իր մոտ, հրավիրել է Ոստիկանության հատուկ ջոկատայիններին և պարեկային ծառաոյողներին, ովքեր փակել են դիմացի դուռը։
«Ես արդեն հրապարակել եմ տեսագրությունը, որտեղ երևում է ինչպես են դարպասները ջարդելով մուտք գործում և հատուկ տեխնիկայի միջոցով տանում մեքենան»,-ասել է փաստաբանը։