Կիբերանվտանգությամբ զբաղվող CrowdStrike ընկերությունը հայտարարել է, որ զգալի թվով սարքավորումներ, որոնք տուժել էին ուրբաթ Microsoft-ի գլոբալ խափանումից, վերականգնվել են․ գրում է BBC-ն։
Ընկերությունը տեղեկացրել է, որ շարունակում են աշխատել բոլոր համակարգերի վերականգնման վրա։
Ըստ Microsoft-ի, միջադեպը, որը բնութագրվել է որպես պատմության մեջ ամենավատ ՏՏ խափանումներից մեկը, ազդել է 8,5 միլիոն համակարգիչների վրա ամբողջ աշխարհում:
Խափանումից գրեթե չտուժած երկրներից մեկը Չինաստանն էր, քանի որ այնտեղ գրեթե չեն օգտվում CrowdStrike ընկերության ծառայություններից, ավելին՝ Չինաստանը Microsoft-ից կախված չէ այնքան, որքան ամբողջ աշխարհը:
