Թուրքիայի նախագահն անհարմար դրության մեջ է դրել իր կրտսեր եղբորը և առաջին իսկ կանչով վազող Փաշինյանին
Թուրքիայի նախագահ Ռեջեփ Թայիփ Էրդողանը, ըստ ամենայնի, ամբողջովին կորցրել է իրականության զգացումը և ամպագոռգոռ հայտարարություններ է անում, ինչը կարող է շատ տխուր ազդեցություն ունենալ ոչ միայն նրա քաղաքական կարիերայի, այլև Անդրկովկասում տիրող իրավիճակի վրա, գրել է EADaily-ին։ Թուրքական պետության ղեկավարն ուղղակիորեն հայտարարել է թուրքական զորքերի՝ Արցախ մտնելու մասին՝ անհարմար դրության մեջ դնելով Ադրբեջանի և Հայաստանի ներկայիս իշխանություններին։
Геополитика տելեգրամյան ալիքն, այս առիթով, գրել է. «Անձամբ Էրդողանի շուրթերից Ղարաբաղի մասի խոսքերը նորություն են։ Թուրք առաջնորդը նախկինում երբեք նման խորը փոսի մեջ չէր մտել։ Ավելին, նա միաժամանակ փաստի առաջ է կանգնեցրել նաև ադրբեջանցիներին։ Վերջիններս արդեն շտապել են հերքել Էրդողանի հայտարարությունները՝ դրանք անվանելով անհիմն։ Բայց դա նույնպես ճիշտ չէ. թուրքական հատուկ ջոկատայիններն իրականում ուղղակիորեն մասնակցել են Արցախի դեմ մղվող մարտերին։ Եվ դա դեռ առանց հաշվի առնելու թուրքերի հետախուզական օգնությունը, ինչպես նաև այն, որ թուրքերը նախաձեռնել և անմիջականորեն մասնակցել են չճանաչված հանրապետության մշակութային և կրոնական արժեքների ոչնչացմանը։
Իսկ հիմա ուշադրություն հարցը. ինչպե՞ս են մտադիր դուրս գալ այս ամենից Հայաստանի իշխանությունները, որոնք վերջին ամիսներին ակտիվորեն լոբբինգ են իրականացնում «Հայաստանի համար բարեկամ երկրի» հետ հարաբերությունների վերականգնման համար։ Հավանաբար կասեն, որ սա պատմական գործընկեր է»։
Товарищ генерал տելեգրամյան ալիքն, իր հերթին, գրել է, որ թուրք և հայ դիվանագետների այսօրվա՝ նախկինում հետաձգված հանդիպումը կայանում է միայն այն պատճառով, որ Թուրքիան «բարի կամք է դրսևորել»։ Սա ցույց է տալիս, թե ով է թելադրում բանակցային օրակարգը, և ով՝ վազում առաջին իսկ կանչով: «Հայաստանի իշխանություններն, ըստ էության, վառվում են Թուրքիայի հետ սահմանը բացելու ցանկությունից։ Այս քայլի հետևանքների վերաբերյալ հանրությանը որևէ համապարփակ վերլուծություն չի ներկայացվել։ Ըստ այդմ՝ Անկարայի օրակարգը Հայաստանի հետ հարաբերություններում «քաղաքական բեկման» համար տարբեր պայմանների ձեռնամուխ լինելն է։ Չնայած այն հանգամանքին, որ Էրդողանը հայտարարել է «բարեկամություն առանց նախապայմանների», հենց թուրքերն են փորձում կա՛մ «երկինքը» փակել հայկական ինքնաթիռների առաջ, կա՛մ քանդել «Նեմեսիս»-ի հերոսների հուշարձանը, կա՛մ ճեղքել Զանգեզուրի միջանցքը», – նշվել է գրառման մեջ։
