Վատիկանը հիասթափված է 2024 թվականին Փարիզում Օլիմպիական խաղերի բացման արարողության որոշ տեսարաններից․ այս մասին ասվում է Սուրբ Աթոռի մամուլի ծառայության տարածած պաշտոնական հաղորդագրության մեջ։
«Սուրբ Աթոռը տխրել է Փարիզում Օլիմպիական խաղերի բացման արարողության ժամանակ որոշ տեսարաններից և կարող է միայն միանալ վերջին օրերին բարձրացված դժգոհությանը՝ ափսոսանք հայտնելու բազմաթիվ քրիստոնյաների և այլ կրոնների հավատացյալների հասցեին հասցված վիրավորանքի համար»,- ասված է հաղորդագրության մեջ։
Վատիկանը նաև նշել է, որ նման հեղինակավոր միջոցառման ժամանակ չպետք է լինի մարդկանց կրոնական համոզմունքները ծաղրելու ակնարկ: Սուրբ Աթոռը կասկածի տակ չի դնում խոսքի ազատությունը, սակայն այն պետք է սահմանափակվի այլ մարդկանց նկատմամբ հարգանքով:
