Հայաստանն աշխատում է անխոչընդոտ արագընթաց երթուղու ստեղծման, ինչպես նաև նոր լոգիստիկ ուղիների և հանգույցների գործարկման ուղղությամբ։
Շուտով եռակողմ հանդիպում տեղի կունենա Հայաստանի, Իրանի և Հնդկաստանի մասնակցությամբ առևտրային երթուղու գործարկման վերաբերյալ. այս մասին Sputnik Արմենիային հայտնի է դարձել լոգիստիկ ընկերություններում սեփական աղբյուրներից։
Հանդիպումը տեղի կունենա Իրանում. երեք երկրների տրանսպորտային ոլորտների ներկայացուցիչները կծանոթանան Չաբահար նավահանգստի ենթակառուցվածքներին, կքննարկեն նավահանգստում Հայաստանի օպերատորական գործունեությունը, կքննարկեն երթուղու շուտափույթ գործարկման հետ կապված հարցեր:
Ավելի վաղ էկոնոմիկայի նախարարությունից Sputnik Արմենիայի գրավոր հարցմանն ի պատասխան հայտնել էին, որ ներկայում Հայաստանի՝ որպես օպերատորի մասնակցության ձևաչափը հայտնի չէ։
Գերատեսչությունում ընդգծել են, որ նոր երթուղիների գործարկումը կբարձրացնի Հայաստանի առևտրային ներուժը: Երևանը հուսալի մուտք կունենա Հնդկաստան, ինչպես նաև Հարավարևելյան Ասիայի երկրների հեռանկարային շուկաներ։
Շարունակությունը՝ սկզբնաղբյուր կայքում։
