«Amnesty International» կազմակերպությունը կոչ է արել միջազգային հետաքննություն անցկացնել Գազայի հատվածում Իսրայելի իրականացրած հանցագործությունների վերաբերյալ։
Կազմակերպության հայտարարության մեջ նշվում է, որ իսրայելական բանակն ապօրինի ոչնչացնում է Գազայի գյուղատնտեսական հողերը և քաղաքացիական շենքերը՝ նպատակ ունենալով ամբողջությամբ ավերել այդ տարածքները։ Արբանյակային պատկերների վերլուծությունը հաստատում է, որ Գազայի հատվածում իրականացվում է համակարգված և լայնածավալ ոչնչացում:
ՄԱԿ-ի Պաղեստինյան փախստականների օգնության և աշխատանքների գործակալությունն (UNRA) ավելի վաղ հայտարարել էր, որ Գազայի հատվածում ավերածությունների չափը աննկարագրելի է, և որ այնտեղ գտնվող շենքերի կեսը արդեն ավերված է։
