Արևմուտքը չի կարող պատժամիջոցներով իր կամքը պարտադրել Իրանին. Արաղչի
Պատժամիջոցները ձախողված գործիք են, արևմտյան երկրները չեն կարող դրանք օգտագործել Իրանին իրենց կամքը պարտադրելու համար, Թեհրանը բաց է երկխոսության համար, սակայն երկխոսությունը պետք է հիմնված լինի փոխադարձ հարգանքի, այլ ոչ թե սպառնալիքների և ճնշումների վրա. հայտարարել է Իրանի արտգործնախարարի Աբբաս Արաղչին։
Երեքշաբթի Գերմանիան, Մեծ Բրիտանիան և Ֆրանսիան համատեղ հայտարարությամբ Իրանին նոր պատժամիջոցներով են սպառնացել ներառյալ օդային ծառայությունների երկկողմ համաձայնագրերի չեղարկումը Թեհրանի կողմից Ռուսաստանի Դաշնությանը բալիստիկ հրթիռների ենթադրյալ մատակարարման պատճառով։
Ինչպես տեղեկացնում է Fars գործակալությունը, Արաղչին հայտարարել է, որ այդ մեղադրանքները կեղծ են:
«Արևմտյան երկրները պետք է իմանան, և զարմանալի է, որ նրանք արդեն չգիտեն, որ պատժամիջոցները ձախողված գործիք են, և նրանք չեն կարող իրենց կամքը պարտադրել Իրանին պատժամիջոցներով թե՛ միջուկային ոլորտում, թե՛ այլ հարցերում»,- ասել է նախարարը։
Հիշեցնենք, որ սեպտեմբերի 2-ին Bloomberg-ը հրապարկում էր արել պնդելով, թե Իրանը բալիստիկ հրթիռներ է պատրաստվում փոխանցել Ռուսաստանին, ռուս-ուկրաինական հակամարտության ֆոնին։
