Դատարանի սահմանած մեկ տարվա ազատազրկումն ամբողջությամբ կրելով՝ քաղբանտարկյալ Նարեկ Մալյանը հինգշաբթի օրը՝ սեպտեմբերի 19-ին, օրենքի ուժով ազատ է արձակվելու․ այս մասին գրել է իրավապաշտպան Ռուբեն Մելիքյան
«Լրատվամիջոցներին, Մալյանի համախոհներին ու ընկերներին հայտնում եմ, որ ըստ ամենայնի՝ նա Վարդաշենի բանտից դուրս կգա ժամը 10:00-ին։
Հ․Գ. Մալյանին բանտում ամեն անգամ այցելելիս սպասում էի, թե երբ է կալանավորական մասնաշենքի դարպասների մեջ հայտնվելու նրա լայն ժպիտն ու անմիջապես լսվելու նրա չարաճիճի «պրո՛նտո, սինյոր ադվոկատո»-ն։ Այնուհանդերձ, է՛լ չեմ ուզում տեսնեմ էդ պատկերը։ Շաբաթ օրվա այցելությունս – թվով 72-րդը – թո՛ղ լինի վերջինը։ Բա՛ստա, ամիկո միո»,- գրել է նա։
