Մոսկվայի կենտրոնում գտնվող Wildberries ընկերության գրասենյակի մուտքի մոտ տեղի է ունեցել հրաձգություն: Նախնական տվյալներով՝ մեկ մարդ զոհվել է, երկուսը՝ վիրավորվել։
Ավելի վաղ Wildberries and Russ միավորված ընկերության մամուլի ծառայությունում ТАСС-ին հայտնել էին, որ առցանց մանրածախ վաճառքի համասեփականատեր Վլադիսլավ Բակալչուկը անվտանգության ապահովման հետ միասին փորձել է մուտք գործել գրասենյակ։ Իրավապահ մարմինների տվյալներով՝ 20-30 տղամարդկանցից բաղկացած խումբը սկսել է կոտրել բիզնես կենտրոնի ապակիները։ Ի պատասխան՝ կրակոցներ են բացվել։
