Ռուսական Առաջին լրատվական ալիքով հեռարձակվող «Большая игра» հաղորդման շրջանակներում քննարկվել ՀՀ վարչապետ Նիկոլ Փաշինյանի հայտարարությունը, թե Հայաստանը սառեցրել է մասնակցությունը ՀԱՊԿ-ին, քանի որ այդ կառույցը սպառնալիքներ է ստեղծել հանրապետության ինքնիշխանության և պետականության համար։
Ռուսաստանի Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը նշել է, որ ՀՀ վարչապետ Նիկոլ Փաշինյանը հակառուսական հայտարարություններ էր անում նույնիսկ այն ժամանակ, երբ դեռ լրագրող էր և չկար քաղաքականության մեջ։
Զատուլինի խոսքով՝ նա պնդում էր, որ հարկավոր է շարժվել դեպի Արևմուտք և այդ առումով՝ Փաշինյանը հետևողական է։
«Փաշինյանի հետ հարաբերություններ կաուցելը նույնն է, ինչ հարաբերություններ կառուցելն ավազի վրա», – նշել է Զատուլինը։
Նա հիշեցրել է, որ դեռևս նախքան վարչապետ դառնալը Փաշինյանը գրել է, որ հարկավոր է մոռանալ հայ ժողովրդի հերոսությունը, զոհերը, Հայոց Ցեղասպանությունը։ «Նրան այդ ամենը հարկավոր չէ ընդհանրապես։
Նա ցանկանում է համոզել հայերին, որ նույնիսկ հայկաական եկեղեցին օտարերկրյա գործակալ է», – հավելել է Զատուլինը։
