Ինչու՞«մախինացիաներով» զբաղվել քեզ կերակրողների հետևում․ Զախարովան՝ Արմեն Գրիգորյանին
ՌԴ ԱԳՆ ներկայացուցիչ Մարիա Զախարովան անդրադարձել է Հայաստանի անվտանգության խորհրդի քարտուղար Արմեն Գրիգորյանի մասնակցությանը «Ուկրաինայի խաղաղության բանաձևի» համատեքստում պարենային անվտանգության վերաբերյալ առցանց ձևաչափով թեմատիկ համաժողովին։
«Վերջերս այնպիսի զարմանալի նորություններ են լինում։ Հաշվի առնելով, որ մենք ՀՀ-ին պարբերաբար տեղեկացնում ենք, ՀՀ-ում տեղյակ են մեր մոտեցումների մասին, նման ավատյուրաները ելնում են իրատեսական գնահատականներից։ Մենք կարծում էինք, որ նրանք հասկանում են, որ նմանհանդիպումները ոչ մի աղերս չունեն քաղաքական կարգավորման և խաղաղության հաստատման հետ։ Ինչպես երևում է՝ բոլորը չեն հասկանում»։
Նա հավելել է, եթե մարդիկ հետաքրքրված են պարենային անվտանգությամբ, նրանք պետք է ելնեն նույն պարենային իրավիճակից իրենց երկրում։ Զախարովան Արմեն Գրիգորյանին հիշեցրել է, որ հացահատիկը, որ ձեռք է բերում Հայաստանը, 90 տոկոսով գնվում է ՌԴ-ից։ «Գուցե անհրաժե՞շտ է ՌԴ-ի հետ առցանց ձևաչափով կապի դուրս գալ պարենային անվտանգության հարցով։ Ինչու՞ զբաղվել մախինացիաներով նրանց հետևում, ովքեր քեզ կերակրում են, ապահովում են քո պարենային անվտանգությունը»։
