Հավաքական անվտանգության պայմանագրի կազմակերպության (ՀԱՊԿ) երկրները զորավարժությունների համար մեկնել են Ղազախստան․ այս մասին հայտնում է ՀԱՊԿ Telegram ալիքը։
«Սեպտեմբերի 26-ից 30-ն ընկած ժամանակահատվածում Ղազախստանում վերախմբավորվում են ՀԱՊԿ խաղաղապահ ուժերի «Անխորտակելի եղբայրություն-2024» հրամանատարաշտաբային զորավարժություններին մասնակցող կազմավորումները»,- ասված է հաղորդագրության մեջ։
ՀԱՊԿ-ում պարզաբանել են, որ զորավարժություններին կմասնակցեն զինվորականներ Բելառուսից, Ղրղզստանից, Ռուսաստանից և Տաջիկստանից։
