Հեղաշրջումների մասին մեղադրանքներն ընդգծում են Հայաստանում շարունակվող քաղաքական անկայունությունը. Eurasianet

Հայաստանի կառավարությունը Ռուսաստանին ապստամբություն հրահրելու մեջ մեղադրելուց շաբաթներ անց, դեռ պետք է հիմնավոր ապացույցներ ներկայացնի, գրել է Eurasianet-ը:

Վկայակոչելով ընթացող հետաքննությունը՝ հայ պաշտոնյաները ենթադրյալ հեղաշրջման դավադրության վերաբերյալ թարմացումներ չեն ներկայացրել սեպտեմբերի 18-ի նախնական մեղադրանքից ի վեր: Ըստ մեղադրանքի՝ զինված խումբը մտադիր է եղել տապալել վարչապետ Նիկոլ Փաշինյանի վարչակազմը:

Ենթադրվում է, որ նրանք վերապատրաստում են անցել Ռուսաստանի Պաշտպանության նախարարության կողմից հովանավորվող և ՌԴ-ի տարածքում գտնվող գոմարտակում, որը կոչվում է «ԱրԲատ»: Գումարտակի մասին լրացուցիչ մանրամասներ, ներառյալ դրա գտնվելու վայրը, հրապարակայնորեն չեն բացահայտվել:

Ռուս պաշտոնյաները Հայաստանի կառավարության մեղադրանքը որակել են որպես «կեղծ լուրեր»:

Հայտնի է, որ հայերից բաղկացած գումարտակը կռվում է Ուկրաինայում ռուսամետ «Պյատնաշկա» միջազգային բրիգադի կազմում: Այս խումբը, որը երբեմն համեմատվում է վարձկան «Վագներ» խմբի հետ, խորը կապեր ունի ռուսական ռազմական և հետախուզական ծառայությունների հետ, ինչը մտահոգություն է առաջացնում օտարերկրյա կառավարությունների ապակայունացման ջանքերում Մոսկվայի մասնակցության վերաբերյալ:

Սա առաջին դեպքը չէ, երբ Փաշինյանը հնչեցնում է հեղաշրջման նախապատրաստման նմանատիպ մեղադրանքներ: Նման դեպքերն ընդգծում են Հայաստանում շարունակվող քաղաքական անկայունությունը, որտեղ ընդդիմադիր խմբակցությունները բացահայտորեն հիասթափված են ազգային անվտանգության և արտաքին քաղաքականության հարցերով կառավարության վարքագծից:

Հեղաշրջման փորձի հետ կապված հակասությունների ֆոնին ռուս հաքերային խումբը հայտարարել է, որ ներխուժել է Հայաստանի վարչապետի աշխատակազմի տվյալների բազա՝ պահանջելով 2,5 միլիոն դոլար՝ ֆայլերը չհրապարակելու դիմաց։ Կառավարությունը հայտարարել է, որ հետաքննում է գործը, սակայն այլ տեղեկություններ չեն հրապարակվում։ Տվյալների անվտանգության փորձագետները թերագնահատել են հարձակման լրջությունը:

Մինչև 2020 թվականը Հայաստանն ու Ռուսաստանը ռազմավարական գործընկերներ էին: Սակայն Հայաստանի կառավարությունը վերջին մեկ տարում անցել է Արևմուտքի հետ հարաբերությունների ամրապնդմանը՝ միաժամանակ մեղադրելով Ռուսաստանին ղարաբաղյան Երկրորդ պատերազմի ժամանակ անվտանգության երաշխիքները և պայմանագրային պարտավորությունները չկատարելու համար։