Թուրքիայի նախագահ Ռեջեփ Թայիփ Էրդողանը Բելգրադում իր սերբ գործընկեր Ալեքսանդր Վուչիչի հետ համատեղ մամուլի ասուլիսում ասել է, որ երկու երկրների պաշտպանական համագործակցության շրջանակը ներառելու է անօդաչու թռչող սարքեր։ Նրա խոսքերը մեջբերում է TACC-ը։
Էրդողանը նշել է, որ Անկարան և Բելգրադը «այդ հարցում ունեն իրենց հնարավորությունները»։
«Մեր նախարարները համապատասխան աշխատանք կիրականացնեն»,- նշել է Էրդողանը։
Էրդողանը նաև հավելել է, որ մտադիր են «քայեր իրականացնել պաշտպանական ոլորտում համագործակցության շուրջ, որը հնարավոր է շատերին դուր չգա»։
Վուչիչն իր հերթին նշել է, որ Սերբիան և Թուրքիան կխորացնեն համագործակցությունը պաշտպանական արդյունաբերության ոլորտում և կձևավորեն ռազմական արդյունաբերության փոխգործակցության աշխատանքային խումբ։
