Փարաջանովին նվիրված միջոցառում է, որը կապ չունի Օպերային թատրոնի ներկայացումների հետ․ ABCmedia-ն խոսել է Կարեն Դուրգարյանի հետ
Ալեքսանդր Սպենդարյանի անվան Օպերայի և Բալետի ազգային ակադեմիական թատրոնի դահլիճը վարձակալությամբ է տրված։ Երկու օր շարունակ միջոցառումներ են տեղի ունենալու՝ նվիրված Սերգեյ Փարաջանովին։ Դրանք, սակայն, կապ չունեն Օպերային թատրոնի ներկայացումների հետ․ ABC media-ի հետ զրույցում այս մասին տեղեկացրել է «Ալեքսանդր Սպենդարյանի անվան Օպերայի և Բալետի ազգային ակադեմիական թատրոն» ՊՈԱԿ-ի ղեկավարի ժ/պ Կարեն Դուրգարյանը։
«Տարածքը վարձակալությամբ է տրվել 2 օրով։ Փարաջանովին նվիրված միջոցառումներն իրականացվում են նախարարության հետ համատեղ»,- ասաց Դուրգարյանը։
Տեղեկացնենք, որ համացանցում տարածվել էր լուսանկարներ, տեսանյութեր, որտեղ Օպերայի բակում ամբողջությամբ գրքեր էր շարված։ Օգտատերերը քննադատում են քայլը ու չեն հասկացել միջոցառման իմաստը։
