Ատելության հրահրման հիմքով քրեական հետապնդման իրականացումն անձի նկատմամբ, իմ կողմից դիտարկվել է մտահոգիչ. ՄԻՊ
Ատելության հրահրման հիմքով քրեական հետապնդման իրականացումն անձի նկատմամբ իմ կողմից դիտարկվել է մտահոգիչ․ այս մասին կառավարության նիտից հետո լրագրողների հետ ճեպազրույցում ասել է ՄԻՊ Անահիտ Մանասյանը՝ անդրադառնալով 70-ամյա Ղարիբ Բաբայանի կողմից տեսանյութի հրապարակման համար նախաձեռնված քրեական վարույթին։
«Խոսքը կարող է լինել կամ ընկալվել որպես ատելության խոսք, բայց քրեաիրավական պատասխանատվություն նման խոսքի համար պետք է կիրառվի բացառիկ դեպքերում։ Անկախ նրանից, որ մտահոգիչ եմ համարում նման հիմքով քրեական հետապնդման իրականացումը, նաև որևէ մեկի կողմից չի կարող արդարացվել վիրավորանքի, ատելության խոսքի տարածումը, դրա համար բոլորս պետք է ձեռնպահ լինենք դրանից։ Հետագայում բանավեճը տարածվեց այն ուղղությամբ, որ գուցե անվտանգության հետ կապված հարցեր կան, որոնք քննության ենթակա են։ Ես նշել եմ, որ դա իմ իրավասություններից դուրս է, ես չեմ կարող իրավապահ մարմիններին պարտադրել՝ անվտանգության հարցերով իրականացնել քննություն կամ ոչ, մինչև այն պահը, քանի դեռ գործ չունենք մարդու իրավունքների հետ»,- ասել է Անահիտ Մանասյանը։
