Սամվել Կարապետյանի պաշտպանության խորհուրդը պատասխանել է Փաշինյանի հայտարարությանը
«Հայաստանի էլեկտրական ցանցեր» ՓԲԸ -ի այն աշխատակիցները, որոնք աշխատանքից կազատվեն շինծու պատճառներով, կարող են հանգիստ լինել։ Սամվել Կարապետյանի պաշտպանության խորհուրդը ֆեյսբուքյան էջում հայտարարություն է տարածել՝ պատասխանելով վարչապետ Նիկոլ Փաշինյանի սպառնալիքներին։
Փաշինյանն առավոտյան գրառում էր կատարել՝ ՀԷՑ աշխատակիցներին սպառնալով գործազրկությամբ։
«ՀԷՑ–ի այն աշխատակիցներին, ում կսպառնան մշուշոտ ապագայում աշխատանքից ազատել ինչ-ինչ շինծու պատճառներով, իրենց հասարակական կամ կրոնական համոզմունքների համար, թող հանգիստ լինեն. նրանց աշխատանքային խախտված իրավունքները կվերականգնվեն»,- գրել է Սամվել Կարապետյանի պաշտպանության խորհուրդը։
Ավելին, նրանք հայտնում են, որ պարապուրդի ժամանակահատվածում աշխատակիցները կունենան համարժեք պայմաններով աշխատանք:
Հիշեցնենք, որ Փաշինյանը գրել էր, թե ՀԷՑ-ի այն աշխատողները, ովքեր իրենց գործը թողած զբաղված են քաղաքական խարդավանքներով, հուլիսին կազատվեն աշխատանքից։ Նա նաև նշել էր, թե ՀԷՑ այն աշխատողները, ովքեր դիմադրում են և հավատարիմ են իրենց աշխատանքային պարտականությունների կատարմանը, որևէ խնդիր չեն ունենա։ Նրանք, ովքեր այդ «դիմադրության» համար կազատվեն աշխատանքից, հենց հուլիսին կվերականգնվեն և նրանց բաց թողնված աշխատավարձը կվճարվի։
