Շախմատ և սեր՝ կյանքի տախտակի վրա
Երաժշտության ու շախմատի միջև երկրորդն ընտրած, բայց երաժշտությունը հավերժ կյանքի մեծ սեր համարող, աշխարհահռչակ հայ շախմատիստ Լևոն Արոնյանն այսօր նշում է 43-ամյակը։
Դեռ փոքր տարիքում Արոնյանը շախմատին զուգահեռ զբաղվել է նաև երաժշտությամբ։ Հարցին՝ ինչո՞ւ հենց շախմատ ընտրեց, Արոնյանը պատասխանել է. «Շատ ոգևորիչ է, երբ տեսնում ես, որ քո գործում առաջընթաց ունես, ասես փոքրիկ Մուքը կախարդական կոշիկներով»։ Գրոսմայստերը նշում է՝ դաշնամուր նվագելիս նման զգացողություն երբեք չի ապրել։
Լևոնին աշխարհահռչակ դարձրել է շախմատը, բայց նա ունի նաև հիանալի երաժշտակա՛ն ճաշակ․ սիրում է ջազն ու դասական երաժշտությունը, և այդ սերը ժառանգել է մորից։ Մանրամասները՝ տեսանյութում։
