Աշնան գույները՝ Երևանի երկնքում․ ֆոտոշարք

Երևանում շարունակվում է Օդագնացության միջազգային փառատոնը՝ «Բացահայտիր Հայաստանը երկնքից» խորագրով։ Այն կազմակերպվել է SkyBall ընկերության կողմից՝ ՀՀ էկոնոմիկայի նախարարության Զբոսաշրջության կոմիտեի և Երևանի քաղաքապետարանի աջակցությամբ։

Միջազգային փառատոնին մասնակցում են շուրջ 20 օդապարիկներ՝ Հայաստանից և մի շարք այլ երկրներից, այդ թվում՝ Բրազիլիայից, Բուլղարիայից, Վրաստանից, Իտալիայից, Ռուսաստանից և Ճապոնիայից։ Նախատեսված է իրականացնել 11 ցուցադրական թռիչք՝ Գառնիից, Ապարանից և Երևանից։