Պսակադրվող զույգին վախեցրել են. կարգալույծ քահանայի ճեպազրույցը՝ կետերով

Մայր Աթոռի կողմից կարգալույծ հռչակված Տեր Արամ քահանա Ասատրյանը (Ստեփան Ասատրյան) պատասխանել է լրագրողների հարցերին:

• Հիմա էլ եմ Կադիրովի նման ղեկավար ցանկանում։ Նա ժողովրդավար առաջնորդ է: Ժողովուրդն իրեն սիրում է, իսկ որևէ մեկին սիրելուց առաջ, էդ մարդը պետք է գործերով ապացուցի:
• Ես հալածված, ստորացված կերպար եմ իմ եկեղեցական վերադասի կողմից, և որոշել եմ այլևս չլռել։
•  Կարող եք ինձ չհարգել, ինձ չճանաչել, բայց վերջապես բարձրաձայնում եմ, ասում եմ՝ ժողովուրդ, խնդիր կա։
• Ես տեղեկություն ունեմ, որ Կաթողիկոսը երեխա ունի, թող դիմի դատարան, ես դատարանում կապացուցեմ:
• Մարդկանց կարծիքները կարող են տարբեր լինել, ինչպես նրանց քթերը: Ինչքան մարդ, այնքան կարծիք. այն հասարակությունը, որը սատարում է Եկեղեցուն, չի կարող լինել հայհոյող։ Եվ այս տեսակը չի կարող Եկեղեցին փրկող լինել։ Մենք մեր Եկեղեցին կպաշտպանենք։
• Մարդիկ որոշել էին, որ պսակադրությունը ես անեի, բայց մյուս քահանան զույգին վախեցրել է, ասել է՝  եթե Տեր Արամն իրականացնի արարողությունը, չեն տալու ամուսնության վկայական:
• Միքայել սրբազանի դատավարությանն իմ կամքով էի գնացել: