Սև ամպեր՝ Հայաստանի երկնքում․ հրդեհը մարել դեռ չի հաջողվել
Սև ամպեր են կուտակվել Հայաստանի գլխին՝ բառի ուղի՛ղ իմաստով. Հայաստանի տարբեր մարզերի անտառածածկ տարածքներում հրդեհներ են։
Դեռ նոյեմբերի 21-ին Գեղարքունիքում է բռնկվել հրդեհը։ Պատճառների մասին պետական մակարդակով հստակ տեղեկություններ չի տրվում, բայց մասնագետները կարծում են՝ չոր խոտն ու տերևները այրելու հետևանք է։ Հրդեհները հասել են նաև Տավուշ, Լոռի, Շիրակ, անգամ Սյունիք։
Հրդեհները բռնկվել են տեղ-տեղ, որն ավելի շատ կասկածներ է հարուցել։ Որ պատճառը խոտ ու տերև այրելն է, բնապահպանը վստահ է, բայց դրա տարածման պայմանները հստակ չեն։
Հրդեհի երկու օջախ մարվել է՝ ըստ ՆԳՆ-ի տարածած հաղորդագրության. այս պահին հրդեհաշիջման աշխատանքները Տավուշում և Շիրակում շարունակվում են։
