Քրեական գործ՝ Գրիգորի Խաչատուրովի նկատմամբ
Դատախազությունը նոյեմբերի 25-ին գեներալ-մայոր Գրիգորի Խաչատուրովի նկատմամբ հանրային քրեական հետապնդում է հարուցել՝ Քրեական օրենսգրքի 436-րդ հոդվածի 1-ին մասով և 549-րդ հոդվածի 3-րդ մասով․ ABC Media-ին հայտնեցին Գլխավոր դատախազությունից։
Հոդվածները վերաբերում են կաշառք տալուն և իշխանությունը չարաշահելուն։
«Խաչատուրովի նկատմամբ հայտարարվել է միջպետական հետախուզում: Դատարանը մերժել է կալանքը որպես խափանման միջոց ընտրելու վերաբերյալ քննիչի միջնորդությունը, ինչի դեմ Դատախազությունը վերաքննիչ բողոք կներկայացնի»,- հավելեցին իրավապահ համակարգից:
