Միանշանակ բողոքարկելու ենք․ Մկրտիչ սրբազանի պաշտպանը՝ կալանքը երկարաձգելու մասին
Դատարանը վճիռը հրապարակել է, այն գրավոր դեռ չենք ստացել, ստանալուն պես՝ բողոքարկելու ենք․ ABC Media-ի հետ զրույցում ասաց Արագածոտնի թեմի կալանավորված առաջնորդի՝ Մկրտիչ եպիսկոպոս Պռոշյանի փաստաբան Ռոման Ահարոնյանը։
Դատական նիստին, ինչի ժամանակ որոշվել է երկու ամսով երկարաձգել բարձրաստիճան հոգևորականի կալանքը, մասնակցել է նաև Մկրտիչ սրբազանը։
«Ուժեղ և արժանապատիվ»․ սա եղավ փաստաբանի պատասխանը մեր՝ «ինչպե՞ս է իրեն զգում սրբազանը» հարցին։
Տեղեկացանք նաև, որ Արագածոտնի թեմի կալանավորված առաջնորդը պահվում է «Նուբարաշեն» քրեակատարողական հիմնարկում։
