Ինչո՞վ է հայտնի ՌԴ-ում մահացած հայազգի օդաչուն և ինչո՞ւ է նրան հերոսի կոչում շնորհվել

Ռուսական լրատվամիջոցներն այսօր՝ հունվարի 3-ին, հայտնեցին, որ 78 տարեկանում մահացել է փորձարկող օդաչու, Ռուսաստանի հերոս Ռուբեն Եսայանը։

Եսայանն այն քիչ օդաչուներից է, որը հերոսի կոչում է ստացել խաղաղ ժամանակներում։ Ըստ «Ռոսավիացիա»-ի՝ պետական բարձրագույն մրցանակը ստացել է 2006-ին՝ «Տուպոլև» Տու-334 և Տու-154, Իլ-76ՄՖ, Իլ-96 և Իլ-114 նոր ինքնաթիռները, ինչպես նաև՝ B-200-ը փորձարկելու համար։

Ռուբեն Եսայանի մասին հաղորդագրություն է տարածել նաև Ռուսաստանում Հայերի միությունը՝ նշելով, որ Ռուբեն Թադևոսովիչը օդաչու էր, ում կարիերան դարձավ բարձրագույն պրոֆեսիոնալիզմի և քաջության խորհրդանիշ։

«Սասովոյի (Ուկրաինա)թռիչքային դպրոցը (1968) և Լենինգրադի քաղաքացիական ավիացիայի ակադեմիան (1979) ավարտելուց հետո Եսայանի ուղին նշանավորվեց ամենադժվարին առաջադրանքներով․

• 1980-ականներ՝ Անգոլա. մարտական ​​գործողությունների գոտում առաքելություններ էր կատարում որպես երկրի պաշտպանության նախարարի «Յակ-40» անձնակազմի հրամանատար։
• 1986՝ Անտարկտիդա. որպես փորձարկող օդաչու՝ կատարել է եզակի թռիչքներ դեպի Հարավային բևեռ՝ Իլ-76-ից վայրէջք կատարելով դիզելային վառելիքով հագեցած հարթակներ՝ գերցածր բարձրությունից, «Վոստոկ» կայարան (երբեմն անվանում են «Գմբեթ Ֆուջի»):
• 2011՝ Իժմա. իրականացրել է ռիսկային գործողություն՝ վնասված Տու-154Մ-ն Սամարայի գործարան տեղափոխելու վերանորոգման համար. ինքնաթիռը հայտնի վայրէջք է կատարել Կոմիի լքված թռիչքուղում:
• 2014՝ Սամարա. ավարտել է իր թռիչքային կարիերան Տու-154Մ-ով Սամարայի ավիացիոն գործարանի օդանավակայանից դեպի Սմիշլյաևկայի ուսումնական օդանավակայանի կարճ թռիչքուղին՝ ցուցադրելով բացառիկ հմտություն:

Ռուբեն Եսայանը ծանր ինքնաթիռների միջոցով Արկտիկայի և Անտարկտիդայի ուսումնասիրության ռահվիրաներից մեկն էր, և նրա հետագա աշխատանքը՝ բարդ ինքնաթիռներ տեղափոխելը, մտել է ռուսական ավիացիայի պատմության մեջ որպես անթերի օդաչուության օրինակ:

Գրանցել է մոտ 16․000 թռիչքային ժամ տարբեր տեսակի ինքնաթիռներով»,- ասված է հաղորդագրությունում: