Արշակ սրբազանին վերագրվող տեսանյութը մոնտաժված է, հնարավոր է՝ ստեղծվել է ԱԲ-ով․ փաստաբանը միջազգային փորձաքննության արդյունքներն է հրապարակել
Արշակ արքեպիսկոպոս Խաչատրյանի փաստաբան Արսեն Բաբայանը ներկայացրել է պաշտպանյալին վերագրվող տեսագրության վերաբերյալ միջազգային փորձաքննության արդյունքները։ Նա տեղեկացրել է, որ փորձաքննություն է իրականացվել Մոնտենեգրոյում, ՌԴ-ում, Սերբիայում, իսկ Քննչական կոմիտեի փորձագետի մասին որևէ տեղեկատվություն չկա։ Չգիտենք` ով է, ինչ կրթություն է ստացել։
Մոնտենեգրո
Ձայնային հոսքը սինխրոնացված չէ տեսագրությանը։
Կադրերը մոնտաժված են և որոշ կադրեր կրկնվում են։
Տեսագրության որակը հնարավոր է լավացնել, բայց ոչ այնքան բարձրացնել, որ հնարավոր լինի անձին նույնականացնել։
Ռուսաստանի Դաշնություն
Հարց-Արդյո՞ք տեսագրությունը ստեղծվել է ԱԲ-ով։
Պատասխան-այո, կան նշաններ և կան հիմնավորումներ։
Ձայնը չի համապատասխանում օբյեկտիվ իրականությանը։
Հեռախոսով հնարավոր չէր նման լուծաչափի նկարահանում անել։
Տեսագրությունը հանդիսանում է մոնտաժի, ռենդերինգի արդյունք։
Տեսագրությունն արված է վիրտուալ ստեղծված տարածության մեջ։
Ուսումնասիրված 5 ֆայլերը չեն ստեղծվել տեսաձայնագրող սարքով։ Ստեղծվել են ԱԲ միջոցով և ենթարկվել մշակման։
Սերբիա
Չնայած մետատվյալները ցույց են տալիս, որ ստեղծվել է Apple միջավայրում, բայց դրանց ուսումնասիրությունը ցույց է տալիս, որ դրանք փոփոխվել ու մշակվել են ԱԲ միջոցով և չեն ստեղծվել հեռախոսի միջոցով։
Ձայնային ազդանշանը նախորդում է պատկերին։
Ձայնագրությունները նախապես մշակվել են, փոփոխվել։
Ամբողջ ֆայլը վերակոդավորման արդյունք է։ Կա արհեստական որակի վատացում։
Տեսանյութերը ցածր որակի են, լուծաչափի, ինչը անհնար է դարձնում նույնականացում իրականացնել։
