Սուրբ Նիկողայոսի եկեղեցին կորցրե՞լ է դիմագիծը, թե՞ վերականգնել

Լոռու մարզի Ամրակից գյուղում գտնվող ռուսական եկեղեցին հիմա այս տեսքն ունի․ մոտ 131 մլն դրամ է հատկացվել երկու տարի տևած վերականգման աշխատանքների համար, սակայն եկեղեցու նոր տեսքը քննարկումների առարկա է դարձել և միանշանակ չի ընկալվել հանրության և մասնագիտական շրջանակներում։

Նախագծի հեղինակ Հովհաննես Սանամյանն ասում է՝ նախնական տեսքն է վերականգնվել, իսկ մնացած աղմուկը բանբասանք է որակում։ Ամրակից գյուղի բնակիչներին նույնպես դուր է գալիս եկեղեցու նոր տեսքը․ ասում են՝ հինն արդեն քանդվում էր։ 

1988 թվականի ավերիչ երկրաշարժից հետո գյուղի եկեղեցին վնասվել էր, որից հետո այստեղ պատարագներ չեն մատուցվել մինչև այսօր։