Այս իշխանությունն ինչ չի ուզում հրապարակել, կոծկում է, իբր հույժ գաղտնի է․ բողոքի ակցիա՝ ԱԺ դիմաց

Այս իշխանությունն ինչ չի ուզում հրապարակել, կոծկում է, իբր հույժ գաղտնի է․ այսօր ԱԺ-ի դիմաց բողոքի ակցիայի ժամանակ ասաց քաղաքական գործիչ Գևորգ Գևորգյանը։

Ակցիայի մասնակիցները պահանջում են ԱԺ անդամներից հրապարակել 44-օրյա պատերազմի հանգամանքներն ուսումնասիրող քննիչ հանձնաժողովի զեկույցը, որն այդպես էլ հանրությանը չի ներկայացվել։

«Երբ այս հանձնաժողովը ստեղծվեց, ասում էին, թե այն լույս է սփռելու բոլոր հանցագործությունների վրա, դատական ակտեր ու ձերբակալություններ են լինելու։ Դրանից հետո հանկարծակի բոլորը լռեցին, հետո սկսեցին խոսել, թե իբր հույժ գաղտնի է։ Ի՞նչն է հույժ գաղտնի։ Մենք հազարավոր կյանքեր ենք կորցրել, հասկանո՞ւմ եք, սա աղետ է, մեր պետականությունը սարքել են «բռոշկա», կպցրել են դոշներին, ման են գալիս»,- ասաց Գևորգ Գևորգյանը։

Նրա խոսքով՝ իր համար միանշանակ պարզ է, որ այս ամենի պատասխանատուն այս իշխանությունն է․ «Բայց նրանք ասում են՝ նախկիններն են մեղավոր, դե ցո՛ւյց տվեք, հասկանանք՝ ով է մեղավոր»։