Տիրան Խաչատրյանը հարբած չի եղել, զենքի գործադրման է դիմել կյանքին սպառնացող վտանգը չեզոքացնելու համար․ պաշտպան
Տիրան Խաչատրյանը հարբած չի եղել, խուլիգանական արարք թույլ չի տվել, զենքի գործադրումը պայմանավորված է եղել իր կյանքի և առողջության նկատմամբ առկա վտանգը չեզոքացնելու նպատակով և դրսևորվել է օդ կրակելու միջոցով․ այս մասին ABC media-ի հետ զրույցում ասաց նրա պաշտպաններից Վարազդատ Հարությունյանը։
Նա նշեց, որ մամուլով շրջանառվող տեղեկությունը, թե Խաչատրյանը խմած կրակել է մարդկանց վրա, չի համապատասխանում իրականությանը։
«ՆԳՆ օպերատիվ նկարահանման կադրերը թույլ են տալիս տեսնել և հասկանալ, որ Խաչատրյանի դեմքին, գլխին կան վնասվածքներ։ Տիրան Խաչատրյանը վեճի մեջ եղել է միայնակ, մյուս կողմից այս պահին կա 3 մեղադրյալ, կալանավորված է Տիրան Խաչատրյանը և մյուս կողմից մեկ այլ անձ»,-ասաց նա։
Պաշտպանի խոսքով՝ Տիրան Խաչատրյանին զենքի գործադրմամբ խուլիգանության հոդվածով է մեղադրանք առաջադրվել, սակայն նա իրեն մեղսագրվող արարքը չի ընդունում։
«Զենքի գործադրումը կրել է ինքնապաշտպանական բնույթ»,-ասաց Հարությունյանը։
Մանրամասները՝ տեսանյութում։
