Սամվել Շահրամանյանն այս պահին հարցաքննվում է. լրագրողների հետ զրույցում հայտարարել է Շահրամանյանի պաշտպան Ռոման Երիցյանը:
«Սամվել Շահրամանյանին հարցաքննության համար ծանուցագիր է ներկայացվել, ընդ որում, ոչ իր կողմից կատարած արարքների համար։ Համացանցում հայտնվել են տեղեկություններ Արցախից մեքենաներ ու գումարներ յուրացնելու մասով։ Սամվել Շահրամանյանն ընդամենն այդ ամենի մասին հաղորդում է ներկայացրել Քննչական կոմիտե։ Ներկայացված հաղորդման հիման վրա նրան կանչել են՝ իր կողմից ներկայացված հաղորդման մասով համապատասխան պարզաբանումներ ներկայացնելու համար»,-նշել է նա։
