Կարմիր խաչի ադրբեջանական գրասենյակը X-ի իր միկրոբլոկում տեսանյութ
է հրապարակել՝ ներկայացնելով Արցախում մնացած մեր հայրենակիցներից մեկի պատմությունը:
ԿԽՄԿ-ն այցելել է նրան, օգնել կապ հաստատել Հայաստան տեղափոխված
հարազատների հետ:
«Ես ուզում եմ այստեղ մնալ, սա իմ տունն է, ինչպե՞ս թողնեմ, դուք
եկաք և ես ինձ ավելի լավ եմ զգում։ Ես կարողացա խոսել մորս, մորաքրոջս, իմ քրոջ և իմ
կնոջ եղբոր հետ»,- ասել է նա։
ԿԽՄԿ-ն Արցախից տեղահանված և իրենց հարազատներին փննտրող, նրանց
մասին տեղեկություն ստանալ ցանկացող անձանցից ավելի քան 2500 այց և հեռախոսազանգ է
ստացել:
Այս նպատակով ԿԽՄԿ-ն տեղակայել է լրացուցիչ անձնակազմ՝ աջակցելու
ընտանիքներին՝ միմյանց հետ կապը վերականգնելու համար։
Տեսանյութն՝ այստեղ։
