Կրոնական ծայրահեղականները վանդալիզմի են ենթարկել Երուսաղեմի Հին քաղաքում գտնվող հայկական ռեստորանը

Կրոնական ծայրահեղականները վանդալիզմի են ենթարկել Երուսաղեմի Հին քաղաքում գտնվող հայկական ընտանեկան ռեստորանը. տեղեկանում ենք Հայկական թաղամասի պահպանման նախաձեռնության ինստագրամյան էջից։

Նշվում է, որ հուլիսի 13-ին երկու ծայրահեղական է մտել Ասլանյան ընտանիքի ղեկավարած տեղական «Հայկական պանդոկ» ռեստորան և սկսել բարձր երաժշտություն հնչեցնել՝ վիրավորելով տերերին։

Դեպքի վայրից փախչելու ընթացքում նրանք վնասել են երկու հնաոճ աթոռ և կոտրել 2000 դոլար արժողությամբ ծաղկամանը։

Կառավարիչը՝ Մարկ Ասլանյանը, անմիջապես հաղորդում է ներկայացրել մոտակա ոստիկանական բաժանմունք: