«Տավուշը հանուն Հայրենիքի» շարժման կողմնակից Գոռ Մելիք-Սահակյանն արդարացվել է

Դատավոր Տաթևիկ Մուրադյանը արդարացնող վճիռ կայացրեց «Տավուշը հանուն Հայրենիքի» շարժման մասնակցի՝ Գոռ Մելիք-Սահակյանի գործով. հայտնում է փաստաբան Հռիփսիմե Պետրոսյանը:

Փաստաբանի գրառման համաձայն՝ դատարանն արձանագրել է, որ 2024 թվականի հունիսի 12-ին Ազգային ժողովի շենքի մոտ ոստիկանների հետ տեղի ունեցած միջադեպը չի պարունակել խուլիգանության հատկանիշներ։