Շուշիում ստեղծված երգչախումբը 33 տարի անց Հայաստանում է բեմեր որոնում

4 տարի առաջ` այս օրերին, Ստեփանակերտում էր երգում «Վարանդա» երգչախումբը «Երգող Արցախ» ծրագրով, իսկ մինչ պատերազմը՝ բերդաքաղաքում։

Շուշիի ազատագրումից անմիջապես հետո լիբանանահայ Զաքար Քեշիշյանը մոտ 50 հոգանոց երգչախումբ է ստեղծել՝ քաղաքացիների ոգին ամրացնելու, ունեցած սթրեսն ու հոգևոր ճնշվածությունը երաժշտությամբ բուժելու համար։ 33 տարի անց երգչախումբը նույն առաքելությամբ է գործում․ համախմբում ու բժշկում է արդեն տեղահանված քաղաքացիներին։