Սառեցված հաշիվներ, չվճարված աշխատավարձեր․ Արցախի պարտքը աշխատողներին

Արցախի ներկայացուցչությունը շուրջ 5 միլիարդ դրամ է պարտք արցախցիներին․ բռնի տեղահանված մոտ 22․000 մարդ չի ստացել աշխատավարձերը, արձակման նպաստներն ու վերջնահաշվարկները։ Պատճառն այն է, որ Հայաստանը սառեցրել է Արցախի անունով բացված բոլոր պետական հաշիվները։

Մաղավուսի համայնքապետարանի աշխատակից Յանա Դանիելյանը չի ստացել 347․000 դրամ վերջնահաշվարկը, բայց նա միակը չէ․ իր և իրենց հարևան համայնքի պետական այլ աշխատողներ ևս ունեն այս խնդիրը։