«ՀայաՔվե»-ի աշխարհագրությունը ընդարձակվել է. Ավետիք Չալաբյան

«Հայաքվե» նախաձեռնության համակարգող Ավետիք Չալաբյանը տեղեկացրել է նախաձեռնության աշխարհագրությունն ընդլայնելու մասին։ Այժմ ստորագրահավաքին հնարավոր է մասնակցել նաև Գյումրիում, Վանաձորում և այլ բնակավայրերում։

«Մենք բազմաթիվ հարցեր ենք ստանում, թե երբ է հնարավոր լինելու «ՀայաՔվե»-ին մասնակցել մարզերում: Ուրախությամբ տեղյակ եմ պահում, որ վերջին երկու օրվա ընթացքում, մենք ընդարձակել ենք «Հայաքվե»-ի աշխարհագրությունը հետևյալ բնակավայրերում՝ Գյումրի (Շիրակի մարզ) Վանաձոր (Լոռվա մարզ) Կապան (Սյունիքի մարզ) Տաթև (Սյունիքի մարզ) Աբովյան (Կոտայքի մարզ) Մասիս (Արարատի մարզ) Արմավիր (Արմավիրի մարզ)։ Բոլոր այս բնակավայրերում, դուք արդեն կարող եք քվեարկել: Եթե դուք ցանկանում եք, որ մենք գանք նաև այլ բնակավայրեր, կապվեք մեր հետ, միասին փորձենք կազմակերպել մեր աշխատանքը: Բոլորին հաջողություն եմ ցանկանում»,-ֆեյսբուքյան իր էջում գրել է Ավետիք Չալաբյանը։