Եթե այս մարդկանց չկասեցնենք` Տավուշի ողբերգությունը ամբողջ Հայաստանում է շարունակվելու. Բագրատ սրբազան
Տավուշում տեղի է ունենում ոչ թե սահմանազատում, այլ պարզապես հողերի հանձնում. Սուրբ Աննա եկեղեցու բակում ասել է Բագրատ արքեպիսկոպոս Գալստանյանը։
«Եթե այս մարդկանց չկասեցնենք, չուղարկենք իրենց սիրած տեղերը, Տավուշի ողբերգությունն ամբողջ Հայաստանով շարունակվելու է»,- նշել է Սրբազանը։
Նրա խոսքով՝ զիջումների այս շղթան շարունակվելու է, իսկ անվտանգության սպառնալիքները՝ ահագնանալու են:
«Հայաստանի գործող իշխանությունը լուռ կատարում է թշնամու պահանջները։ Նրանք մեկ միլիմետր անգամ չեն նահանջելու, դեռ հակառակը, անընդհատ առաջ են գալու, քանի որ տեսնում են իրենց դիմաց ծնկածի»,-ընդգծել է Սրբազանն ու հայտարարել, որ շատ կարճ ժամանակ ունենք, որպեսզի վերջնականապես ազատվենք այս չարիքից` հավելելով, որ դա տեղի ունենալու է՝ անկախ նրանից, թե նրանք ինչպես իրենց կդրսևորեն:
