Բայդենի վարչակազմը ձգձգում է Ադրբեջանին օգնության տրամադրման հարցի քննարկումը․ Politico

Բայդենի վարչակազմը կարծես թե դանդաղում է Ադրբեջանին երկարաժամկետ
ռազմական օգնության ծրագրի վերսկսման ուղղությամբ՝ Լեռնային Ղարաբաղում էթնիկ զտումների
մասին աճող նախազգուշացումների ֆոնին․ գրում է Politico պարբերականը։

Նման քաղաքական ճնշումները նուրբ լանդշաֆտ
են ստեղծում Հարավային Կովկասում Բայդենի վարչակազմի համար, որը հայտնվել է իր արժեքների
և աշխարհաքաղաքական պրագմատիկ իրողությունների միջև պայքարի մեջ:

Պարբերականի հետ զրույցում Ադրբեջանում ԱՄՆ նախկին դեսպան Մեթյու
Բրայզան ասել է, որ այս պահին պատժամիջոցների 907-րդ փաթեթի շարունակումը չեղարկելը
քաղաքական փոթորիկ կստեղծի Բայդենի վարչակազմի համար։ Այդ քայլը այս նուրբ դիվանագիտական
պահին կարող է լրջորեն վտանգի ենթարկել խաղաղության պայմանագիրը, որն ավելի մոտ է,
քան երբևէ։

Պետքարտուղարության և Ազգային անվտանգության խորհրդի խոսնակները
հաստատել են, որ 907-րդ փաթեթի չեղարկման հարցը դեռ քննարկման փուլում է, սակայն հերքել
են, որ խաղաղ բանակցությունների ներկա վիճակը կամ Լեռնային Ղարաբաղում վերջին իրադարձությունները
ազդում են դրա երկարաձգման ժամանակացույցի վրա: Պետքարտուղարության խոսնակը նշել է
նաև, որ Ադրբեջանի նկատմամբ ԱՄՆ քաղաքականությունը չի փոխվել և հավելել, որ ԱՄՆ-ն գնահատում
է Ադրբեջանի հետ իր ռազմավարական համագործակցությունը։