Իրանի և Ֆրանսիայի նախագահները քննարկել են Լիբանանում հրադադարի հաստատման ուղիները
Իրանի և Ֆրանսիայի նախագահներ Մասուդ Փեզեշքիանը և Էմանուել Մակրոնը հեռախոսազրույց են ունեցել, որի ընթացքում քննարկել են Լիբանանում հրադադարի հասնելու ուղիները. այս մասին հայտնում է Mehr գործակալությունը։
«Մենք միշտ ձգտել ենք ստեղծել անվտանգ տարածաշրջան՝ հեռու պատերազմից և անկարգություններից և ողջունել է հրադադարը, մինչդեռ այս սիոնիստները ցույց տվեցին, որ ուշադրություն չեն դարձնում մարդասիրական շրջանակներին և միջազգային օրենքներին և ակտիվացնում են իրենց հանցագործությունները»,- ասել է Իրանի նախագահը։
«Մենք կոչ ենք անում Ֆրանսիային միանալ եվրոպական մյուս երկրների ջանքերին՝ սիոնիստական ռեժիմին ստիպելու, որ դադարեցնի ցեղասպանությունն ու հանցագործությունները Գազայում և Լիբանանում:
Դրական ենք գնահատում Ֆրանսիայի կառավարության վերջին դիրքորոշումը, որը դատապարտում է Լիբանանում սիոնիստական ռեժիմի գործողությունները և կոչ է անում դադարեցնել այս ռեժիմին զենքի մատակարարումը»,- նշել է նա:
