ԱՄՆ նախագահի դեմոկրատ թեկնածու Քամալա Հարիսին երեկ Ջորջիա նահանգում ընտրողներ հետ հանդիպմանն աջակցել են ռոքի լեգենդ Բրյուս Սփրինգսթինին, արտիստ Թայլեր Փերիին և նախկին նախագահ Բարաք Օբաման։
Ձգտելով ոգևորել աջակիցներին մի նահանգում, որը կարող է որոշիչ լինել 2024 թվականի ընտրություններում՝ ԱՄՆ փոխնախագահը և նրա հեղինակավոր կողմնակիցները կոչ են արել ամբոխին օգտվել վաղաժամ քվեարկությունից և մերժել հանրապետական հակառակորդին՝ նախկին նախագահ Դոնալդ Թրամփին:
«Մենք այստեղ հասկանում ենք, որ մեր առջև հնարավորություն ունենք շրջելու այն վախի և երկպառակության էջը, որը բնութագրում է մեր քաղաքականությունը մեկ տասնամյակ Դոնալդ Թրամփի պատճառով։ Այդ պատճառում՝ խնդրում եմ, վաղաժամ քվեարկել», – հայտարարել է Հարիսը:
Օբաման, ով Հարիսի օգտին նախընտրական քարոզարշավ է իրականացրել մի քանի նահանգներում, պնդել է, որ նախկին նախագահը չի մտածում ոչ մեկի մասին, բացի՝ իրենից:
Ըստ Հարիսի՝ շտաբի ներկայացրած տվյալների՝ Ջորջիայի հանրահավաքին ներկա է եղել մոտ 20,000 մարդ, ինչը գերազանցում է սեպտեմբերի սկզբին Հյուսիսային Կարոլինա նահանգի Գրինսբորո քաղաքում իր ամենամեծ քաղաքական հանրահավաքի մասնակիցների թիվը, որը 17000 էր:
Ինչպես գրել է Reuters-ը, մինչ Հարրիսը խոսում էր, նկատելի թվով մարդիկ, ովքեր նստած էին ժամերով, սկսել են լքել դահլիճը։ Հանրահավաքը Հարիսի վերջին փորձն էր կինոյի և երաժշտության աստղերի աջակցությամբ՝ մոբիլիզացնելու ընտրողներին ընտրարշավի վերջին օրերին: