Բրյուսելում Ադրբեջանի դեսպանը սպառնացել է սպանել հայ գործընկերոջը․ POLITICO
Հայաստանի դեսպանությունը պաշտոնական բողոք է ուղարկել Բրյուսելում դիվանագիտական այլ ներկայացուցչություններին։ ՀՀ դեսպանը հայտնել է, որ իր ադրբեջանցի գործընկերոջ կողմից սպանության սպառնալիքներ է ստացել:
Անցյալ շաբաթ դեսպաններին ուղարկված նամակում, որին ծանոթացել է POLITICO-ն, նշվել է, որ Հայաստանի դեսպան Տիգրան Բալայանը «բանավոր հարձակման և ահաբեկման է ենթարկվել» Ադրբեջանի դեսպան Վաքըֆ Սադիկովի կողմից, որը «բացահայտ սպառնալիքներ է հնչեցրել իր կյանքի դեմ»։
Նշվում է, որ միջադեպը տեղի է ունեցել Բրյուսելի Tangla հյուրանոցում ընդունելության ժամանակ, որը կազմակերպվել էր Թուրքիայի դեսպանատան կողմից՝ ի պատիվ երկրի ազգային տոնի: Ենթադրվում է, որ դա Անկարայի կողմից հովանավորվող առաջին միջոցառումն էր, որին հրավիրվել էր Հայաստանի դեսպանատունը՝ 2020 թվականին Հայաստանի և Թուրքիայի մերձավոր դաշնակից Ադրբեջանի միջև պատերազմից հետո: Այնուամենայնիվ, POLITICO-ի հետ զրույցում Սադիկովը հերքել է միջադեպը, պնդելով, որ նման մեղադրանքները «ծիծաղելի են դառնում»:
